Саудия Арабистонида суд маҳаллий феминист фаоли бўлмиш Манаэл ал-Отаибийни ижтимоий тармоқдаги постлари учун 11 йилга озодликдан маҳрум қилди.
Ҳукм 2024 йилнинг январида чиқарилган, бироқ эндигина ошкор этилди. Amnesty International инсон ҳуқуқлари ташкилотининг ёзишича , ал-Отаибий фақат кийим танлашда ва Интернетда ўз қарашларини ифодалашда айбланган.
29 ёшли фаол ўзининг Х саҳиcида саудиялик аёлларга эркаклар васийлик қилишини тўхтатишга чақирар эди ҳамда Саудия Арабистонида "одобсиз" ҳисобланган футболка ва лосиналарда машқ қилаётгани акс этган видеоларни жойлаштирар эди. Фаол жамоат жойларида абая - миллий ниқобни киймаганликда ҳам айбланган.
Ал-Отаибий терроризмга қарши қонун бўйича судланган, унга кўра “террорчилик жиноятларни содир этиш мақсадида турли маълумотларни интернетда тарқатиш" жиноят ҳисобланади.
Манаэл ал-Отаиби 2022 йилнинг ноябрида ҳибсга олинган. Унга бир йилда бир марта яқинлари билан кўришиш имконияти берилган. Қариндошлари билан 2024 йилнинг апрелида гаплашган Ал-Отаибий оёғи синганидан ва қийноқларга дучор бўлаётганидан шикоят қилган, деб ёзмоқда ALQST инсон ҳуқуқлари ташкилоти. Ар-Риёд буни рад этади.
Ҳуқуқбонлар ал-Отаибийни зудлик билан озод қилишга чақирмоқда ва унинг қамоққа олиниши Саудия ҳукуматининг мамлакатда аёллар берилаётган эркинликлар ҳақидаги иддаоларига зид эканини таъкидламоқда.
Саудиялик фаоллар илгари ҳам ижтимоий тармоқлардаги постлари учун қамалган, баъзида 45 йилга. Ал-Отаибининг синглиси Фавзияга ҳам худди шундай айбловлар қўйилган, бироқ у 2022 йилда сўроққа чақирилганидан кейин мамлакатни тарк этишга муваффақ бўлган.
Фаол Саудия Арабистонида "одобсиз" ҳисобланган футболка ва лосиналарда машқ қилаётгани акс этган видеоларни жойлаштирар эди. У жамоат жойларида абая - миллий ниқобни киймаганликда ҳам айбланган.