Қырғыз үкіметі баспасөз қызметінің мәліметінше, Жапаров III Ташкент халықаралық инвестициялық форумға, сонымен бірге Қырғызстан мен Өзбекстан арасындағы үкіметаралық комиссия отырысына қатысады. Бірлескен жиналыс 2-3 мамырда өтеді.
Үкіметтің баспасөз қызметінің хабарлауынша, осы шаралар барысында екіжақты кездесулер ұйымдастырылады.
Бұған қоса, халықаралық компаниялар жетекшілерімен келіссөздер жүргізіледі. Олар құрылыс нысандарының бас жоспарларымен танысады.
Былтыр 16 тамызда Шолпан-Ата қаласында Қырғызстан мен Өзбекстан арасындағы үкіметаралық комиссияның оныншы отырысы өткен. Сонда 2022 жылдың аяғында сауда айналымы 32 пайызға артып, 1 миллиард 260 миллион долларға жеткені жарияланған.